Наше посланя

  • За першой Чеськословенськой републікы (1918 – 1939) быв то ерб Підкарпатьской Руси, як єй части, в сучасности є ербом Русинів у цілім світї.  Попис ербу: в лївій половинї  – 3 золоты смугы (полосы) на світлосинїм полю, в правій половинї – у темночервеній фарбі фіґура стоячого на двох лабах карпатьского медвідя з отворенов папулёв на стрібернім підкладї (фонї). Медвідь сімболізує Карпаты, три золоты смугы (подля дакотрых выскумників) – три рікы: Уж, Латоріцю і Тісу

    За першой Чеськословенськой републікы (1918 – 1939) быв то ерб Підкарпатьской Руси, як єй части, в сучасности є ербом Русинів у цілім світї. Попис ербу: в лївій половинї – 3 золоты смугы (полосы) на світлосинїм полю, в правій половинї – у темночервеній фарбі фіґура стоячого на двох лабах карпатьского медвідя з отворенов папулёв на стрібернім підкладї (фонї). Медвідь сімболізує Карпаты, три золоты смугы (подля дакотрых выскумників) – три рікы: Уж, Латоріцю і Тісу

  • Застава (прапор)     Розмір є 2:3 порівнуючі вышку і шырьку, найчастїшый розмір є 1 000 мм вышка і 1 500 мм шырька. У верхнїй половинї (500 мм) є синя фарба, а в нижнїй половинї – біла (250 мм) і червена (250 мм).  Синя фарба –  є фарба глубокого неба, перспектівне зображіня панорамы карпатьскых гор, сподїваня ся на лїпшу будучность, фарба розважности, свіжости духа і тїла, бесконечной робітности.  Біла фарба – є традічна міролюбность, погостинность, доброжычливость, толерантность, спокій, морална і фізічна чістота, высока култура і природный паціфізм Русинів.  Червена фарба – аосіціація вшыткого жывого, красного, естетічный ідеал Русинів, сімбол актівізації, прояв здоровя чоловіка.

    Застава (прапор) Розмір є 2:3 порівнуючі вышку і шырьку, найчастїшый розмір є 1 000 мм вышка і 1 500 мм шырька. У верхнїй половинї (500 мм) є синя фарба, а в нижнїй половинї – біла (250 мм) і червена (250 мм). Синя фарба – є фарба глубокого неба, перспектівне зображіня панорамы карпатьскых гор, сподїваня ся на лїпшу будучность, фарба розважности, свіжости духа і тїла, бесконечной робітности. Біла фарба – є традічна міролюбность, погостинность, доброжычливость, толерантность, спокій, морална і фізічна чістота, высока култура і природный паціфізм Русинів. Червена фарба – аосіціація вшыткого жывого, красного, естетічный ідеал Русинів, сімбол актівізації, прояв здоровя чоловіка.

  • Новый дізайн мануал русиньской сімболікы є долов під статёв

    Новый дізайн мануал русиньской сімболікы є долов під статёв

Наше посланя

Світова академія русиньской културый є академічна і харітатівна інштітуція заложена Штефаном Чепом у 2002 роцї з цїлём стімулації новой роботы і захованя богатства і красы русиньской културы на хосен цїлого людства.


Конкретно іде о:

  • Ініціованя до новой роботы на базї русиньскых реалій.

  • Підпору творчіх талентів, презентацій выстав у цїлім світї.

  • Документацію русиньской сучасности, захованя  історії, красы і оріґіналности русиньской културы.

  • Узнаня самобытной русиньской културы і удїлїня тітулу „Член академії“ вызначным  особностям, котры поважують русиньску културу за вызначный компонент свого жывота і вызначнов міров припомогли єй розвою.

  • Узнаня і оцїнїня добрых выслїдків у розвою русиньской літературы і културно-народностного жывота Русинів бронзовов скулптуров карпатьского медвідя (тзв. „русиньскым Оскаром“) і фінанчнов преміёв од меценаша Штефана Чепы. Іде о Премію Александра Духновіча за русиньску літературу і Премію за вызначне дїло про русиньскый народ. Тоты цїны ся удїлюють каждорічно, окрем того року, кідь суть у даній сферї недостаточны выслїдкы або недостаток фінанцій.

  • Публікованя списку русиньскых талентів і особностей з цїлём припомочі розвою приятельскых контактів міджі Русинами у цїлім світї.

Світова академія 

  • Індівідуалне членство є предметом академічной класіфікації на основі  пропозіції  выконного орґану Світовой академії русиньской културы.

Народны академії в окремых штатах

  • Мають право взникнути лем зо згодов Світовой академії русиньской културы.

  • Індівідуалне членство взникать на основі рекомендації, респ. вызвы выконного орґану академій в конкретных країнах, т. є. народных академій. Конкретно в Академії русиньской  културы в СР членство взникать, кідь ку членству окремы особности запропонує, респ.  вызве  выконный орґан, т. є. двоме ґубернаторы: о. Франтїшек Крайняк і Александер Зозуляк.

  • Членство народных академій у Світовій академії русиньской културы є реалне по схвалїню выконного орґану світовой орґанізації.

 

Народны академії суть важны про:

  • Розвой містной ініціатівы.

  • Містны стрїчі Русинів.

  • Ініціованя підпоры з боку містных урядів.

  • Орґанізованя містных културных актівіт і выставок.

  • Розвой языковых компетенцій (ужываня русиньского і штатного языка)

  • Членство заінтересованых представителїв нерусиньской народности.

  • Ініціованя штатной підпоры русиньскым орґанізацям на хосен  обчанів властной країны.

 

Русиньска сімболіка

Сучасна русиньска сімболіка была схвалена на 9. Світовім конґресї Русинів 23. юна 2007 у Мараморош-Сіґетї (Румунія).

Script logo