1. 6. 2018: Позваня на одкрытя памятной таблы А. Добряньскому в Чертіжнім

Хочу вам повісти радостну справу, а то, же роботы на памятній таблї Адолфови Добряньскому ся схылюють ку кінцю. На славностнім отворїню буде староста села Інж. Петро Трічак, академічна сохарька і авторка таблы Ева Потфаёва-Ільковічова, представителї ґрекокатольцькой церьква і челны функціонаре русиньскых орґанізації. На будуть хыбовати ани і умелцї, котры выступлять у културнім проґрамі. Святочне окрытя памятной таблы Алолфови Добряньскому не буде на будові сільского уряду і културногом дому так, як сьме плановали. Буде то провізорне одкрытя памятной таблы, бо ся до того терміну не подарило затеплити будову і дати нову фасаду. У также ся выдумало награне рїшіня. Так ці так, але славностне одкрытя напмятной таблы А. Добряньскому буде, а то зо зачатком 8. юла 2018 15.00 год.

 

Проґрам святочного одкрыря таблы А. Добряньского:

15.00 год. – стрїча під сільскым цінтерём – вєдно з парковіска выйдеме горї на цінтерь к гробу Адолфа Добряньского, де пройде коротка панахіда за А. Добряньскым.

15.30 год. – Одкрытя памятного табла А. Добряньскому за приговору старосты села П. Трічака, отця духовного Мілана Ясика, доброго знателя жывота і творчости А. Добряньского і члена Общества Йоана Крестителя, як і Любы Кралёвой, председкынї ОЗ Колысочка-Kolíska, ініціаторкы публічной збіркы нам таблу.

16.00 – 17.00 год. –  Културный проґрам в салї Културного дому в Чертіжнім з модераторков А. Кралёвов. У проґрамі выступлять Лабірськы бетяре під веджінём Анны Реґрутовой із Меджілаборець.Выступлять тыж: співацька ґрупа Волянка з Воліцї над Лабірцём, як і Анна Сервіцька і Народна музика Дрібна з Пряшова.

 

ПгДр. Люба КРАЛЁВА, ПгД.