10. 3. 2023: Елена ХОМОВА-ГРІНЁВА: Любость, вірность обіцям/ Так скоро летить час (Стишкы)

Елена Хомова-Грінёва

Любов, вірность обіцям

Туга любви

не выблїдне в душі.

Не стратить

силу ани віру,

по твоїм боцї

виджу будучность

ясну, смілу.

Ты хыбуючій

фалаток в жывотї

в сердцї моїм.

Любов обіцям,

вірность дати можу

як праву руку,

на крест Господнїй

положу.

 

Так скоро летить час

Скоро летять днї

втечуть годины,

не застане час,

черяють ся

ярь, лїто, осїнь, зима.

Зубате сонечко

в яри погладить

узимену душу, тварь.

Мотылик в лїтї

кывне крылками,

сяде на плече,

на руку нам.

Осїннїй вітрик

занесе лїсом яругы,

роздує на голові

парадну фрізуру.

А зима?

Зима морозиста

заперать дверї за собов,

перинов прикрывать

лїсы, поля, край.

Стихне спів на дворї,

Похмурно.

Цливо на сердцї.

Заспала  земля...