10. 5. 2022: Русиньскый музей позывать на Ніч музеїв і ґалерій

Як інфомрмовала Яна Трущіньска, Словацькый народный музей – Музей русинской културы в Пряшові і тот рік залучів ся до цїлоевропской події Ніч музеій і ґалерій, котра є орґанізована під покровительством Рады Европы.

Цїлём той події є в штонайвекшій мірї презентовати културну дїдовизну, значіня їй всокочіня і охраны при културній вымінї, шырїню інформацій о културній розмаїтости окремых країн і реґіонів Европы, при неформалній освітї і култівованім оддыху.

З нагоды Ночі музеї і ґалерій русиньскый музей на 14-го мая 2022-го року приготовив проґрам, котрый буде про навщівників од 12.00 год. аж до 22.00 год. Музей позывать на богатый, пестрый проґрам, в рамках котрого можете відїти нелем постоянны выставы музея, але і актуалну дочасну выставу Лемкы, котра є присвячена 75-ій рочніцї Акції Вісла.

В рамках проґраму будуть і варштаты, на котрых дорослы і дїти будуть вєдно із Ґабріелов Чіасноговов обявлёвати чаро орнаменту, зясь досправдове богатство предків в подобі русиньскых звыків і прекрасных кроїв буде презентоване посередництвом двох фолклорных колектівів – Вородай і Тихопоточан.

Про любителїв літературы буде презентована поезія сучасных русиньсых авторів, котрых буде чітати актор Іґор Латта. На своє собі прийдуть і дїти, про котрых приповідкы прочітать Яна Трущіньска. Закінчіня проґраму буде належати концерту знамой ґрупы Ролланд і Дївочому трію з Чірча.

Петро МЕДВІДЬ, ЛЕМ.фм. Ґрафічна і языкова управа: ред. АРК в СР.