11. 12. 2021: Вишол Руски християнски календар за 2022. рок

НОВИ САД – Вчера, 10. децембра, зоз друку вишла перша часц тиражу Руского християнского календара за 2022. рок хтора пренєшена до Руского Керестура и там го мож купиц, а друга часц Календара будзе видрукована на пондзелок и истого дня будзе порозвожована по других местох. И того року Календар ше зявює як заєднїцке виданє НВУ „Руске слово” и Християнского часопису „Дзвони”. Обсяг му 296 боки.

Тогорочни Календар почина зоз интервюом зоз владиком кир Георгийом Джуджаром з нагоди 20-рочнїци од пошвецаня за владику и 40 роки його священства. Потим шлїдза тексти розпоредзени по рубрикох: Култура и просвита, Духовни живот, Наша прешлосц, Литература, Руснаци у швеце, Психолоґия и филозофия, Польопривреда, Дом и фамелия, Спорт и Гумор.

Календар по цени од 500 динари мож купиц, кнїжки „Руского слова” на попусту найлєгчейше наручиц прейґ сайту https://knjizkiporuski.com/

М. ШАНТА, РутенпреС

(Публікуєме в оріґіналї – войводиньскім варіантї русиньского языка.)