11. 4. 2017: Міджінароднов цїнов Треббія оцїненый і Михал Бицко

В тых днях дістав Др. Михал Бицко, ПгД., емерітный презідент Сполочности Енді Варгола і головный куратор Музею модерного уменя Енді Варгола в Міджілабірчцях, писмову інформація, же Міджінародный номіначный комітет Треббії, котрый у роках 2007 – 2011 мав у своїм складї і честного члена Вацлава Гавла, вырїшыв оцїнити Міджінароднов преміёв Треббія за рік 2017 і Михала Бицка за принос ку діалоґу народных култур. Премії ся будуть святочно передавати 18. юна 2017 од 20.00 год. у Шпанєлкій залї Пражского граду. На тій церемонії бы мав быти особно і М. Бицко. Ґалавечур із передаваня того оцїнїня є під покровительством презідента ЧР Мілоша Земана, міністра културы ЧР Даніела Германа, як і Владіміра Длоугого, презідента Господарьской коморы ЧР. Ґалавечур буде высыланый і Чеськов, і Словацьков телевізіов у прямім высыланю.

Также, Михале, ґратулуєме з оцїнїнём.

-аз-