13. 4. 2022: Одбуде ся 32-ый річник фестівалу Ружова заградка

Як інформує русиньска редакція порталу Радіо-Телевізія Войводины, 8-го мая 2022-го року одбуде ся в Новім Саді вже 32-ый рочник фестівалу новой русиньской співанкы під назвов Ружова заградка.

Фестівал новой русиньской музичной творчости буде  тот рік проходити на сценї Сербского народного театру в Новім Садї.

Орґанізатором фестівалу є Радіо-Телевізія Войводины (РТВ), котра уж веце як три десяткы років розвьвать традіцію і културу Русинів. Тот рік буде на фестівалї представленых 15 новых композіцій, а інтерпретів будуть допроводити два орхестры РТВ – Великый народный орхестер і Великый тамбуровый орхестер.

Фестівал першый раз привітать і буде гостити велика сцена Сербского народного театру в Новім Садї. Подля слов редакторкы фестівалу Златіці Няряди Ружова заградка каждый рік приностиь новы мелодії русиньской співанкы, але і сохранять русиньскы традіції а културу. Як додала, русиньскый язык є єдным із пятёх языків, на котрых у 1949-ім роцї почало высыланя проґрамів РТВ.

Журї 32-го рочника фестівалу новой русиньской співанкы Ружова заградка выбере три найлїпшы композіції, і по єднім лавреатови в катеґоріях текст, аранжман і інтерпретація. Як каждый рік, і теперь, публіка буде годна выбрати собі свого фаворіта.

 

Петро МЕДВІДЬ, ЛЕМ.фм. Ґрафічна і языкова управа: ред. АРК в СР