20. 2. 2023: Можности штудій русиньского языка і літературы

Інтересує Вас русиністіка? Выбераєте собі высоку школу і штудійный проґрам? Може Вам при выбераню поможе тота нова, практічна інформація:

Од академічного року 2022/2023 двоє найлїпшы штуденты Пряшівской універзіты, якы собі выберуть штудовати штудійный проґрам Учітельство русиньского языка і літературы (в комбінації), можуть здобыти аж 5-рочну штіпендію (1500 € на рік).

Віриме, же ся найдуть такы штуденты, котры актівно знають будькотрый русиньскый діалект, азбуку і інтересують ся о карпаторусиністіку. Сердечно Вас привітаме меджі нами на Інштітутї русиньского языка і културы Пряшівской універзіты.