20. 3. 2023: Фестівал русиньской співанкы і гумору в Свіднику – На фіґлярьску ноту

Русиньска оброда на Словеньску і Піддукляньскій освітнїй центер у Свіднику позывають вас на културно-сполоченьску акцію під назвов «На фіґлярьску ноту» – фестівал русиньской співанкы і гумору. Подїя одбуде ся в суботу, 25. марца, о 18.00 год. у Піддукляньскім освітнїм центрї в Свіднику. На акції выступлять: Марія Мачошкова і Іґор Крета, фолклорный колектів Маковиця, Іґор Латта – герець Театру Александра Духновіча, Іван Рудый і Свідницькы геліґонкаре, а тыж народна музика Фоґаш і Маріанна Железна. Добровольне вступне про публіку мож одобрати в центрї в годинах поданых на їх фейсбуковым сайтї. Подїя ся реалізує за фінанчной помочі Фонду на підпору културы народностных меншын.

-аз-