22. 12. 2023: Елена ХОМОВА-ГРІНЁВА: Вітай, Ісуску! (Стишок)
Елена Хомова-Грінёва
Вітай, Ісуску!
Выпараджена ялічка
стоїть в кутї,
спів колядок
несе ся домами,
то Ісуско приходить
до нас
народженый,
повитый пеленами.
Віфлеєм положыме
на стіл,
слухаме співы
пастырїв перед ним.
Низко клонять ся
невинному,
народженому
Месію нашому.
Пришов на світ
в такый зымный час,
ясна звізда
над вертепом
засвітила,
людству ся зъявила,
што пророкы
звістовали
бы Спасителя
сьме привітали.
