24. 1. 2021: Президент стрітил ся з представниками реліґійных і нацийональных меншын

В четвер, 21. січня/януара 2021 р. одбыла ся традицийна стріча польской президентской пары з представниками ріжных реліґійных конфесий і репрезентами нацийональных і етнічных меншын. Засіданя з причыны пандемічных ограничынь проходило онляйн.

«То стріча спільноты віруючых люди ріжных нацийональности в Польскій Республиці. Уж по шестый раз сме разом, хоц в тым році в барз трудным часі, тіж для віруючых люди і іх пастырів, носячых спертя», бесідувал президент Анджей Дуда вчас веденой відеоконференциі.

В новорічній стрічы взяли участ єрархы римокатолицкого Костела, але так само представникы східніх конфесий: Польской Автокафельной Православной Церкви і Украіньской Грекокатолицкой Церкви в Польщы. Присутны были так само дальшы представникы конфесий зъєднаных в Польскій Екуменічній Раді, владыкы Ординарияту Польского Войска (в тым православны і евангелицкы), представникы жыдівской і мусульманьской спільнот, та дальшы запрошены гості.

Президентска пара запросила так само представників нацийональных і етнічных меншын. Присутны были особы, якы засідают в Спільній Комісиі Уряду та Нацийональных і Етнічных Меншын.

Дуда вєдно з Першом Дамом передали вшыткым пристуным на відеоконференциі новорічны желаня. «Желаме предовшыткым здоровля, сил, оптимізму тырвалой віры – віры передаваной в серця вірных, же спільно переможеме коронавіруса і в міру можности повернеме до нормальности», повіла Аґата Корнгаузер-Дуда.

Севериян КОСОВСКЫМ. ЛЕМ.фм

(Публікуєме в оріґіналї – лемківскім варіантї русиньского языка.)