24. 2. 2023: Karpatská Rus: Historický atlas
Академік, проф. Др. Павел Роберт Маґочій із Торонтьской універзіты належыть меджі вызнамных науковцїв світа. Народный умелець Україны Василь Скакандій: Портрет Павел Роберт Маґочій, акварел.
Недавно у Выдавательстві Пряшівской універзіты в Пряшові вышов словацькый переклад анґліцькой публікації із 2017 року автора, узнаваного науковця, академіка, проф. Др. Павла Роберта Маґочія. Репрезентатівна публікація має множество якостных історічных мап. В книзї, окрем іншого, мож прочітати задня слово:
„Карпатьска Русь ся дословно находить в самім сердцю Европы. Єствують докінця два памятникы побудованы в роках 1870 і 1970 у выходній части Карпатьской Руси, котры означують точный ґеоґрафічный центер европского контіґенту. Карпатьска Русь є тіпічнов погранічного теріторіёв, на котрій ся стрїчають ґеоґрафічны, політічны, етноліґвістічны, реліґійны і соціално-кліматічны граніцї. Посеред той фасцінуючой розмаїтости маёрітной популації традічно творили карпатьскы Русины, котры овпливнёвали остатны народы жыючі в їх сусїдцтві: Мадярів, Словакії, Поляків, Румунів, Жыдів, Нїмцїв, Ромів/Ціґанїв а в пізнішїй добі Чехів, Українцїв і Росіян.
Карпатьска Русь: Історічный атлас дає чітателёви подробны інформації о тій вынятковій комплексній теріторії. Творить го 34 капітол із фаребныма мапами, котры хронолоґічно указують розвиток нелем на історічній теріторії Карпатьской Руси, але і на шыршій теріторії середнёй Европы. Кажда мапа є доповнена леґендов, котра приближує ґеоґрафічны, етноліґвістічны, културны і історічны приналежны мапы. Частёв публікації є список поужытых жрідел і реґістер.
* * *
О АВТОРОВИ
Павел Роберт Маґочій є професором історії і політічных наук на Торонтьскій уніварзітї, де є на челї Катедры україньскых штудій Джона Яремка. Меджі ёго веце як 875 штудій у сферї історії, соціолінґвістікы, картоґрафії, бібліоґрафії і іміґратьскых штудії тыж належать творы: A History of Ukraine: the Land and its Peoples (Історія Україны: Земля і єй народы, 2010), This Blesed Land: Crimea and the Crimean Tatars (Благословена земля: Крым і крымскы Татары, 2014), With Their Backs to the Moutains: A History of Carpathian Rusʼ and and Carpatho-Rusyns (Хрептом ку горам: Історія Карпатьской Руси і карпатьскых Русинів, 2015), Jews and Ukrainians: a Millenium of Co-Existence (Жыде і Украєїнцї: Росіяне і тісячроча, 2016) і Historical Atlas of Central Europe (Історічный атлас середнёй Европы, 2018)‟.
