24. 6. 2023: Вернісаж выставы 70 олїёвых образів з нагоды 70-роча автора выставлёваных творів Александра Зозуляка

Дня 22. 6. 2023 у СНМ – Музею русиньсксьме отворили выставу Експрессіон або по анлґліцькы Експрешн - Александер Зозуляк - 70 : 70 - з нагоды 70-рочніцї народжіня Александра Зозуляка, котрый того року подарова нашому музею 150 властных олїїв і приближно 1000 кресеб, з олїїв выставлюєме якраз 70.

Александер Зозуляк є вызначный русиньскый актівіста, єден з основателїв Русиньской оброды на Словеньску і таёмник председы РОС Василя Гетеша Турка, першый і довгороічный таёмник і тыж председа Світовой рады Русинів.

Быв тыж шефредактором Народных новинок, котры выходили од року 1991 до року 2021, є шефредактором Русина, котрый выходить од року 1990 доднесь, выдавателём русиньскых авторів про дїти і дорослых, а ку тому є выштудованый вытварник. На нашій выставі представлюєме А. Зозуляка главнї як маляря експресівного вытварного выядрїня.

Прийдийте попозерати нашу теперїшню выставу, котра буде отворена до 16. 8. 2023.

Л. К.