25. 1. 2022: Припоминаме собі 90 років од народжіна културного дїятеля ЯКІМА ХОЛОШНЯЯ

Якім Холошняй (Йоаким Холошняй, Joakim Hološnjaj) нар. 25. 1. 1932 у Руськім Керестурї у втогдышнїй Югославії, теперь на теріторії Сербії. Він священик і културный дїятель русиньской народной орьєнтації меджі войводиньскыма Русинами.

По скінчіню ґімназії у Вербасї здобыв реліґій освіту на теолоґічній факултї в Засґребі і быв высвяченый за ґрекокатольцького священика у 1958 р. Служыв у парохіях сел Жумберак, Міклушевцї (1962 – 1971), а од 1971 р. – в с. Дюрдёв у Войводинї. Вєдно із сыном Михаілом засновав у парохії Дюрдёва все дїючу выставку русиньской етноґрафії („Руска одлога‟), де были тыж представлены роботы канадьского вытварного умелця, подля походжіня войводиньского Русина – Юліяна Колєсара.

Окремый інтерес про Я. Холошняя є пропаґація карапаторусиньского простопінія. Він засновасв „Родинный хор Холошняї‟, „Семействени хор Холошняї‟, што записав три казеты літурґії візантійского обряду. Тыж опубліковав (у сполуавторстві з Маріёв Холошняй) музичну антолоґію крапатьского простопінія під назвов: „Зборнїк вибраних писньох зоз Саночного, Служби Божей у Парастасу карпаторуского богослужебного розшпиву‟ (1996).

Здрой: Павел Роберт МАҐОЧІЙ, „Енциклопедія історії та культури карпатських русинів“ зоставителїв П. Р. Маґочія і І. Попа, Ужгород: Видавництво В. Падяка, 2010, с. 787-788, переклад із україньского языка: А. З.