25. 5. 2023: В Давідові посвятили Памятну ізбу Василя Гопка

В недїлю, 21-го мая 2023-го року, проходив у ґрекокатолицькій парохії в селї Давідів одпуст з нагоды праздника Вознесенія Господа, на корый прияв позваня владыка Петро Руснак, аспостольскый адміністратор Пряшівской архієпархії і братїславскый єпарха.

Одпуст буыв збогаченый о посвячіня будовы бывшой фары, в котрій одкрыли Памятну ізбу Василя Гопка, балеженого священомученика, якый быв помічным єпіскопом втогдышньой Пряшівской єпархії. Будову посвятив владыка Петро, котрый быв і головным служытелём торжественной літурґії.

Будинок, в котрім теперь находить ся памятна ізба, быв наперед ґрекокатолицьков народнов школов, а пізнїше служыв як парохіалный уряд. Якраз тота будова была свідком великых моментів церькви, насилного одведжіня священика Юрія Буйняка державныма властями у 1951-ім роцї, коли уж была церьков ілеґална, але і ёго навернутя по обновлїню Ґрекокатольцкой церькви у втогдышнїй Чехословакії в 1968-ім роцї.

За часів, коли в Давідові быв душпастырём отець Буйняк, часто там приходив священомученик Василь. В памятній ізбі, в котрій часто перебывав, находять ся оріґіналны артефакты з ёго жывота, писемности, фотоґрафії, ёго єпіскопскы різы, вязеньскый мундур, крест подарованый ёго родаками, але і іншы цїнны артефакты.

Петро МЕДВІДЬ, ЛЕМ.фм, языкова і ґрафічна управа: АРК в СР.