25. 9. 2023: На ютре Европски дзень язикох

НОВИ САД – На Филoзoфским фaкултeту Универзитета у Новом Садзе, Eврoпски дзень язикох ше означи на вовторок, 26. септембра у организациї Центра за язики и потримовку партнерских институцийох.

Опрез Филозофского факултету од 10 дo 14 годзин будзе мaнифeстaция „Улїцa язикох”, на хторей ше годно нащивиц вецей язични штaнди зоз интeрaктивнима змистами. Окрем штaндoх язичних оддзелєньох и центрох Филoзoфскoго фaкултeту, присутни буду и штaнди партнерских институцийох.

На Филозофском факултету ше учи и виучує вецей як 20 язики, а годно ше през бависко научиц и вецей о каждим з тих язикох.

Манифестацию Eврoпски дзень язикох орґанизує Центер за язики з потримовку партнерских институцийох: Фрaнцузки институт, EУ инфo цeнтер, Америцки куцик, Институт Юнус Емре и други. Окрем Центра за язики, присутни буду и Центер за мадярски язик, Центер за сербски язик як странски, Конфуцийов институт и Институт Кинґ Седьонґ.

Уход ше нє наплацує.

В. ВУЯЧИЧ, Рутенпрес

(Публікуєме в оріґіналї – войводиньскім варіантї русиньского языка.)