27. 1. 2022: Проґрам Театру Александра Духновіча в Пряшові на місяць фебруар 2022
4-го фебруара 2022
„Шість персонажів шукають автора“ (Велика сцена, 19.00 год., 1-ша премєра)
На фонї театралной пробы і нервозного режісера одогравать ся траґічна історія персон розпаднутой родины, котры жыють драмов і глядають смысел правды і ілузії на сценї. Пєса є в україньскім языку.
9-го фебруара 2022
„Шість персонажів шукають автора“ (Велика сцена, 19.00 год., 2-га премєра)
11-го фебруара 2022
Пісковиско (Мала сцена, 19.00 год.)
Коли доростаме? І што то властно дорослость є? І є властно жадана в добі гіперреаліты, коли уж не мож точно повісти, што є досправдове і што фіктівне? Коли перебераме одповідность за властны дїла? Докажеме дати явно знати свої чувства? Тужыме іщі по тырвалых односинах? Не сьме і в дорослости все дїтми і в дїтинстві дорослыма? Суть ВІН і ОНА іщі досправдовы, або то вже лем знакы у віртуалнім світї? Найлїпша пєса (гра) 21-го столїтя про двох акторів (грачів).
16-го фебруара 2022
Тяпаковцї (Велика сцена, 19.00 год.)
Дїя славной драматізації прозаічной предлогы вызначной словацькой писателькы з епохы крітічного реалізму Божены Сланчіковой-Тімравы вас перенесе до минулости, на село, до дому великой родины Тяпаковцїв, котра є прославлена тым, же є лїнива і не має дяку будьшто робити. Інсценація жыво, з легкостёв, забавно але з ідейнов глубков підкреслює потребу ослободити ся од наносів минулости на благо будучности, котра ся основать на старых пілірах, но не сміє їх зохабити цалком спустнути. Жывот ся мусить жыти!
18-го фебруара 2022
12 стілцїв (Велика сцена, 19.00 год.)
Рафінована карікатура совєтьской сістемы і людьского ненажерства ся злучує в історії Іпполіта Воройбанинова і великого комбінатора Остапа Бендера, котрых наганяня ся за покладом приведе до різных небезпечных і комічных сітуацій.
25-го фебруара 2022
Любов до ближнёго (Велика сцена, 19.00 год., 1-ша премєра )
Театер Александра Духновіча представлює інсценацію од єдного із найзнамнїшых російскых драматіків 20-го столїтя Леоніда Николаєвіча Андреєва. Тота комедія вказує на абсурдность нашого світа і нонсенс жывота, де трафунковы поставы чекають на смерть нещастливця коло вычапу і страчають чутя і любов до ближнёго.
Звертаме вашу увагу, же проґрам може быти зміненый на основі епідемічных обставин і наряджінь.
Петро МЕДВІДЬ, ЛЕМ.фм. Ґрафічна і языкова управа: ред. АРК в СР.
