27. 9. 2023: Проґрам Театру Александра Духновіча в Пряшові на місяць октобер 2023
11-го октобра 2023
Фараоны (Велика сцена, 19.00 год.)
Фунґованя колхозу, в котрім панують класічны стереотіпы о дїлїню роботы на хлопску і женьску, нарушыть єдного рана вість і вычеряню позіцій. Там, де стояли хлопи, будуть жены і наопак. Што ся стане, кедь хлопи-функціонарї, нараз будуть женами, котры ся старають о обыстя? Комедія Фараоны приносить гуморну і выдарену моделову сітуацію на тему перевернутя сполоченьскых роль.
20-го октобра 2023
Сіль над золото (Велика сцена, 17.00 год., премєра)
Театер Александра Духновіча по довшім часї вырїшыв дати на сцену нову приповідку, тот раз Сіль над золото. Історію о трёх дївках і пышнім кралёви знає кажда дїтина і дорослый. А предсі все нас наново тото просте повіданя несподївать своёв красов і правдов. О тім, же сіль досправды є веце як золото, но і як складне є тому порозуміти, дізнате ся, а може і дашто веце, в нашім театрї. В представлїню буде много масок, гумору, чаровных возиків, дакус поезії, але головно радости, же добро знова перемогло над злом.
25-го октобра 2023
Детектор лжи (Велика сцена, 19.00 год.)
Повісте собі, же о манжелстві знате вшытко? Досправды то так є? Або… може о манжелстві не знаме абсолутно ніч? І манжелство може быти єдна велика незнама… А притім прекрасна комедія! Находиме ся в обывачцї єдного класічного панелакового квартелю. Панї Надежда не знать найти одповідь на вопрос: Де мій муж Борис скрыв выплату? І так собі на поміч закличе домів гіпнотізера. Має пояснити справы, котры суть на першый погляд баналны. А пізнїше і фаталны. Бо уж по хвілї знайде ся меджі небом і землёв. Лїпше повіджено – посеред таємніць тридцятьрочного манжелского одношіня. Тадь хто бы ся сперав покушіню спознати істинну правду і скрыты світы свого цїложывотного партнера? Нихто. І втогды ся іщі лем почнуть дїла! Минулость шокує нашых героїв, метать їх до неочекованых сітуацій. Но публіка ся барз файнї бавить! Та ці то в жывотї аж така перемога? Дізнати ся о нашых близкых досправды вшытко? Тверду правду? Як скінчіть тота сеанса несподїванок? Подарить ся загасити тот ґротесковый пожар манжелскых боїв? Буде годен в многім простодушный гіпнотізер втечі із пазурів манжелского абсурду? Так лож, як і туга розкрыти правду, єдно і друге може быти про нас солодков наркотіков, котра ся за секунду змінить на смертну отрову. Успішній комедії зо сучасности домінують брілантны акторьскы выконаня протаґоністів русиньского театру. Суть поставлены на текстовій і сітуачній перемінливости. На бавлїню ся. На дінаміцї акторьской кооперації, іскривости словных несподїванок. Значіть! Театралный вечур повный доброй забавы, усміху, котрый вам з часу на час замерзне на ротї, сміху і радостного обчутя ся може зачати!
Выступліня ТАД мімо Пряшів
1-го октобра 2023
Головный тарабанщік (Културный дім Сташківці, 15.00 год.)
5-го октобра 2023
Головный тарабанщік (Културный дім Сташківці, 19.00 год.)
8-го октобра 2023
Головный тарабанщік (Културный дім Шарішскый Щавник, 15.00 год.)
10-го октобра 2023
Головный тарабанщік (Културный дім Снина, 18.00 год.)
13-го октобра 2023
Головный тарабанщік (Културный дім Выдрань, 17.00 год.)
14-го октобра 2023
Головный тарабанщік (Културный дім Літманова, 17.00 год.)
15-го октобра 2023
Головный тарабанщік (Културный дім Вышня Вільшава, 15.00 год.)
22-го октобра 2023
Головный тарабанщік (Културный дім Собош, 15.00 год.)
29-го октобра 2023
Головный тарабанщік (Културный дім Кружльова, 15.00 год.)
Петро МЕДВІДЬ, ЛЕМ.фм, языкова і ґрафічна управа: АРК в СР.