28. 7. 2019: Ансамбль Кычера на Тыжни Бескідской Культуры

27. 7. 2019 почал ся ся 56. Тыжден Бескідской Культуры. Є то великє свято фольклору – участ в ним возме коло соткы ансамблів, то є близко 4000 выконавців.

Публика, яка ся што рока громадит, то близко 200 000 люди. На зламі липця/юлия і серпня/авґуста в осмох місцевостях, од Віслы через Щырк, Жывєц, Маків Подгаляньскій, Істебну по чешскій Яблонків, звучала буде народна музика, а любителі танців будут мати нагоду пообзерати ансамблі з розмаітых кутиків світа. У суботу, 27. 7. 2019, у Віслі лемківскій фольклор вкаже Кычера, а в неділю, 28. 7. 2019 з русиньскым репертуаром выступлят Кольоры Закарпатя з Ужгорода. В дальшых днях проґрам обнимат выступы ґруп м.ін. з Румуніі, Турциі, Сербіі, Словациі, Мадяр, Чіле, Альбаніі, Чех, Хорвациі, Канады ци Македоніі. Сутю проґраму сут выступы парудесятьох ансамблів презентуючых фолькльор Бескідів, од Шлезкого, Малого, Жывєцкого по Маківскій ци Сандецкій.

 

Наталія МАЛЕЦКА-НОВАК, ЛЕМ.фм

(Публікуєме в оріґіналї – лемківскім варіантї русиньского языка.)