29. 10. 2022: Дюрдьовска школа у проєкту на тему рециклажи

ДЮРДЬОВ – Проєкт ,,Пороб дацо драстичне же би шмеце постало фантастичне” орґанизовала французко-сербска привредна комора. У тим проєкту участвовала и Основна школа ,,Йован Йованович Змай” зоз Дюрдьова, а зоз реализацию того проєкту ушорели мултикултурални куцик за друженє.

Школяре и наставнїки направели два мурали, односно два вишивки зоз пластичних затичкох. Поробени руски и сербски мотив, як и табуреи хтори направени зоз пластичних фляшох.

За тот проєкт вихасноване вецей як седем тисячи пластични затички хтори ше тижнями зберало.

Л. ВЕРЕШ, Рутенпрес, фото: facebook.com/profile

(Публікуєме в оріґіналї – войводиньскім варіантї русиньского языка.)