3. 3. 2022: И Завод за културу представи кнїжки на Сайме

НОВИ САД – На Медзинародним сайме кнїжкох у Новим Садзе, котри почина нєшка, а будзе тирвац по 13. марец 2022. року, свойо виданя представи и Завод за културу войводянских Руснацох.

Представянє виданьох заказане за 10. марец на 13 годзин на главней бини, кед будзе представени Правопис зоз правописним словнїком, о чим будзе бешедовац проф. др Михайло Фейса. Такой потим, др Миряна Дєкич представи моноґрафию „Руски Керестур – живот и обичаї Руснацох у обєктиве фотоґрафох Будински” (на фотцї).

Того дня, алє на штанду Покраїнского секретарияту за културу, на 13,30 годзин, буду представени два заєднїцки виданя Заводу за културу и НВУ „Руске слово” – Зборнїк зоз Пиятей науковей конференциї за студентох, младих науковцох и фаховцох и сликовнїцу „Карусел”.

Програма, у рамикох котрей ше отримує и тот Саям кнїжкох, наволани „Селїдби душох”, а буду отримани и 26. Медзинародна вистава „Арт експо” и Саям образованя „Драгокази”.

Я. ДЮРАНЇН, фото В. ВУЯЧИЧ

(Публікуєме в оріґіналї – войводиньскім варіантї русиньского языка.)