31. 1. 2022: Юбілуючій науковець ПЕТЕР ШВОРЦ

Петер Шворц (Peter Švorc) нар. 31. 1. 1957 у Ліптовскім Мікулашу втогдышнёй Чехословакії, теперь на теріторії Словакій. Є словацькым історіком і высокошкольскым педаґоґом.

П. Шворц є одборником з історії Чехословакії першой половиных 20. ст., главно з історії выходной Словакії і Підкарпатьской Руси того періоду. О тім він чітать лекції на Пряшівскій універзітї в Пряшові, опубліковав дакілько бадань, присвяченых проблематіцї припоїня Підкарпатьской Руси до Чехословакії і єй розвитку в тій країнї в меджівойновых роках, в тім чіслї: „Zakliata krajina: Podkarpatská Rusʼ, 1918 – 1946“ (1996) i „Stručné dejiny Podkarpatskej Rusi, Vol. II: 1918 – 1946“ (1996).

Окрему увагу він придїлять проблематіцї вызначіня етноліґвістічной граніцї меджі Словаками і Русинами: „Krajinská hranica medzi Slovenskom a Podkarpatskou Rusou v medzivojnovom období, 1919 – 1939“ (2003).

Роботы  П. Шворца выходять із шырокого выужыня ірхівных здроїв і характерізують ся несторонным одношінём ку русиньскому народному вопросу. Они приспіли інформованю о історічній землї словацькой сполочности на выходї од їх країны.

Література: Peter Švorc, Personálna bibliografia do roku 2002 (Prešov, 2002).

Здрой: Павел Роберт МАҐОЧІЙ, „Енциклопедія історії та культури карпатських русинів“ зоставителїв П. Р. Маґочія і І. Попа, Ужгород: Видавництво В. Падяка, 2010, с. 815, переклад із україньского языка: А. З.