5. 3. 2019: В Кружлёві одкрыли памятну таблу о. Франтїшкови Данцакови

У селї Кружлёв, в окресї Бардеёв, одбыло ся свято спимину з нагоды 80-ых народенин Франтїшка Данцака, ґрекокатолицького священика, публіцісты, педаґоґа, шефредактора часопису Слово, довгорічного члена Русиньской оброды на Словеньску і Сполку русиньскых писателїв Словенска.

Урочіста подія зачала задушнов святов літурґіёв і панахідов у кружлёвскій Ґрекокатолицькій церькви Спасенія Пресвятой Богородіцї. По церьковнім обрядї, за участи многых священиків, віруючіх і шырокой громады, была о. ПаедДр. Франтїшкови Данцакови одкрыта памятна табла на будинку парохіалного уряду в Кружлёві.

Проґрам дале продовжовав у кружлївскім Домі културы. Орґанізаторами свята была Ґрекокатолицька парохія в Кружлёві, редакція часопису Слово і село Кружлїв.

-ак-