5. 5. 2023: Ніч музеїв і ґалерій 2023 в СНМ – Музею русиньской културы в Пряшові

Проґрам тогорочной Ночі музеїв і ґалерій буде в СНМ – Музею русиньской културы в Пряшові наісто богатый. Приправлены суть подїї про дїти і дорослых. Покы дорослы можуть заінтересовати ся коментованыма екскурзіями сучасных выставок Стїна і простор, котра представлять скулптуры Владиміра Рошканина і образы Мірослава Цаповчака, але ай сталых выстав, віково молодшы ся можуть запоїти до малярьского і танечного воркшопу.

О історії і културї Русинів сі будуть мочі участници  розшырити знаня через  презентацію філмів В центрї великых країн і Підкарпатьска реалістічна русиньскы малярьска школа. Красу русиньскых народных співанок представлять участнькам співачкы Маріанна Железна, Анна Сервіцька і Народна музика Дрібна.

К найвекшым інтересным подїям наісто буде стрїча з выробцём народных інштрументів, інтерпретатором і мултіінштрументалістом Михалом Сметанком а русиньска співачка. Вершьнов проґраму буде выступлїня Фолклорной ґрупы Стружніця із цімбаловов музиков із Снины з музично-словныма пасмами зо жывота Русинів – Коло воды ближе – І дома є Америка.

Вступне 5,- евр.

 

Viac info:        

Mgr. art. Jana Truščinská, kultúrno-propagačná manažérka SNM – MRK v Prešove

tel.: +421 051 2453319;0911 705 799, e-mail: jana.truscinska@snm.sk