7. 2. 2024: Позываме вас на выставу в русиньскім музею під назвов Чаро депозітыу (Čaro depozitu)

Словацькый народный музей – Музей русиньской културы в Пряшові приправив про своїх навщівників цїнну репрезентатівну етноґрафічну выставу Чаро депозіту, на котрій суть представлены цїнны артефакты матріалной народной културы Русинів, што суть выбраны із збірок СНМ – Музей русиньской културы в Пряшові. Цїлём выставы, вернісаж котрой буде 15.2. 2024 о 16:00 год., є прилбижыти главно молодым навщівникам способ жывота Русинів у мунилости.

Пастырьство, ґаздованя, пестованя зерна, лену, ёго спрацованя, выробы шматя, але і продукты ремесел – кошыкарьства, дротарьства, корытарьства, ковачства, обувництва або млинарьства будуть мочі навщівници нелем попозерати, але в творчіх ателєрах і выробити.

Выставу, котру авторьскы приправив етноґраф Мґр. Арт. Мірослав Мороховіч і кураторка ПаедДр. Мґр. Анна Симкова, буде мож попозерати до 30. 9. 2024.

Контакт: Мґр. Арт. Яна Трущіньска – културно-пропаґачна манажерка СНМ – МРК в Пряшові, тел.: +421 051 2453319, e-mail: jana.truscinska@snm.sk, www.snm.sk