8. 6. 2023: Новы можности штудія про абсолвентів маґістерьскых проґрамів, і про Русинів

Дорогы абсолвенты маґістерьскых штудійных проґрамів філолоґічного заміряня – в першім рядї (выходо)славяньскых языків, а зарівно абсолвенты овладаючі русиньскый язык або ёго діалекты,

Інштітут русиньского языка і културы Центра языків і култур народностных меншын Пряшівской універзіты обертать вашу увагу на Вызву Научной і іновачной авторіты і можность приголосити ся на 3-рочну інтерну форму навчаня на докторьскім проґрамі Славістіка - русиньскый язык і література. На основі оцїнїня выслїдків творчой роботы робітників ІРЯК ПУ, наш інштітут здобыв 1 місто про інтерного докторанда, а то од 1. септембра 2023 року. Штіпендія ся буде докторандови выплачати з Плану обновы СР, т. є. з фінанцій Европской унії, в рамках Вызвы на підпору ексцелентных докторандів.

Вызва є заміряна на підпору ексцелентных научных інштітутів на універзітах, высокых школах і в бадательскых інштітуціях, на якых ся реалізують докторандьскы проґрамы в денній формі. Цїлём Вызвы є мотівовати і підпорити найлїпшых докторандів (Р1) і їх научны проєкты на найлїпшых інштітуціях у Словакії, а тыж підпорити створїня меджінародного конкуренчного середовіща про найлїпшых науковцїв. Вызва є отворена до 12. юна 2023 і є опублікована на вебсайтї Научной і іновачной авторіты: https://vaia.gov.sk/.../stipendia-pre-excelentnych-phd.../.

Віриме, же Вызва ословить тых абсолвентів, котрых інтересує русиністіка і перспектівна научно-педаґоґічна робота в даній сферї.

https://vaia.gov.sk/.../upl.../2023/05/Plne-znenie-vyzvy.pdf

А. П.